KazNARU БАЗАСЫНДА ҚЫТАЙДЫҢ ШЫҢЖАҢ АУЫЛ ШАРУАШЫЛЫҚ УНИВЕРСИТЕТІМЕН БІРЛЕСКЕН АҚЫЛДЫ СУАРУ ЖҮЙЕЛЕРІ ЗЕРТХАНАСЫН ҚҰРУ ТАЛҚЫЛАНДЫ
2025 жылдың 22 сәуірінде Қазақ ұлттық аграрлық зерттеу университетіне ҚХР Шыңжаң ауыл шаруашылық университетінің делегациясы ресми сапармен келіп, Қытай-Қазақстан агротехнология саласындағы ынтымақтастықты, аграрлық білім беру мен ғылыми зерттеулерді дамыту туралы ой-ұсыныстарымен бөлісті.
Делегация құрамында: Чжан Тайхун – профессор, Компьютерлік және ақпараттық инженерия колледжінің деканы, ауыл шаруашылығын цифрландыру саласындағы ірі маман; Ли Юнке – доцент, аА\уыл шаруашылық процестерін автоматтандыру бойынша эксперт; Ван Лэй – доцент, Нақты егін жүйелері бойынша белгілі маман; Чжоу Сюэлинь – Ақылды ауыл шаруашылық институтының өкілі және Ержан Халим – PhD, су ресурстарын басқару саласындағы танымал эксперт.
KazNARU Басқарма төрағасы-Ректордың бірінші орынбасары, в.ғ.д., профессор Пірімқұл Ибрагимов осы уақытқа дейін Қытайдың 40-қа жуық ғылыми ұйымдарымен және университеттерімен тығыз ынтымақтастық орнатылғанын және бірқатар ғылыми-зертету орталықтары ашылғанын атап өтіп, осы кездесудің де нәтижелерінен үміт күтетінін білдірді.
«KazNARU мен Шыңжаң ауыл шаруашылық университетімен болған бастамалар бәсекеге қабілетті мамандарды бірлесе даярлауға, ғылыми зерттеулер жүргізуге, мүмкіндік беретіні анық. Сондай-ақ жаңа технологиялар трансфертін жүзеге асыру екі елдің ауыл шаруашылығындағы тұрақты даму саласында жаңа перспективалар ашады. Бірлескен әзірлемелер аймақтағы су ресурстарын пайдалану тиімділігін де айтарлықтай арттыруға мүмкіндік береді деп сенеміз», - деді Пірімқұл Шолпанқұлұлы.
Сонымен қатар, ол бірыңғай білім беру кеңістігін құру және ғылыми зерттеу жұмыстарын бірлесе жүргізу аясындағы алда тұрған бірнеше мақсатты атап өтті.
• Су үнемдейтін технологиялар саласындағы тәжірибе алмасу;
• Оқытушылар мен студенттердің академиялық алмасуын дамыту;
• Суды үнемдейтін инновациялық суару жүйелерін енгізу жөніндегі бірлескен жобаны іске асыру;
• Екі ЖОО арасындағы технологиялар трансферінің дамуына жағдай жасау.
Өз кезегінде Компьютерлік және ақпараттық инженерия колледжінің деканы, профессор Чжан Тайхун өзінде өсімдік шаруашылығы, су ресурстарын басқару, агрономия, ветеринария, инженерия, азық-түлік қауіпсіздігінің технологиясы және басқа агросаласының мамандарын дайындайтын оқу ордасының мүмкіндіктері туралы хабарлама жасады.
Тараптар бірлескен зертханалық орталық құру, академиялық алмасу бағдарламаларын ұйымдастыру, бірлескен ғылыми зерттеулер жүргізу жөнінде келісім жасасты. Болашақта ақылды суару жүйесін құру мақсатында күн энергиясымен жұмыс істейтін автоматтандырылған клапандар жасау; суару және тыңайтқыштарды дәл басқаруды үйрену; алыс аймақтардағы ауыл шаруашылық жерлері үшін цифрлы тұрақты байланыс жүйелерін дамыту.
Күтілетін нәтижелер:
100 му (6,7 га) демонстрациялық алаң құру;
Бидай өнімділігін 2 есеге арттыру;
Интернетке шектеулі қол жеткізуі бар аймақтар үшін инновациялық шешімдер әзірлеу;
Цифрлы технологиялар трансфертін жүзеге асыратын жоғары білікті мамандар дайындау.
Сондай-ақ, 2025-2026 жылдары Бірлескен ақылды суару жүйелері зертханасын құру, Университеттің тәжірибелік егістіктерін бірлесе пайдалану; ғылыми-зерттеу орталықтарының инновациялық жаңалықтарын өндірісте қолдану мәселелреі де кеңнен талқыланды
Қытай делегациясының басшысы өздерін жылы қабылдап, Қазақ ұлттық аграрлық зерттеу университетінің озық технологияларымен, білім беру бағдарламаларымен танысуға мүмкіндік жасағаны үшін алғыстарын білдірді.
KazNARU Баспасөз қызметі
