Шетелдік азаматтарды қабылдау комиссиясының күнтізбелік жыл ішінде жүргізген әңгімелесуі нәтижелері бойынша ақылы негізде қабылданады. Бұл ретте шетелдік азаматтарды қабылдау академиялық күнтізбеге сәйкес келесі академиялық кезең басталғанға дейін 5 (бес) күн бұрын жүзеге асырылады.
Қажетті құжаттар:
* оқуға түсуге арналған өтініш
* Қазақ (мемлекеттік) және/немесе орыс тіліне аударылған, нотариалды куәландырылған жалпы орта, техникалық және кәсіптік, орта немесе жоғары білімнен кейінгі құжат (түпнұсқа);
* паспорт және оның қазақ (мемлекеттік) және/немесе орыс тіліндегі аударылған, нотариалды куәландырылған көшірмесі;
* 3х4 өлшемді 6 фото;
* Қазақстан Республикасының 075-У нысандағы медициналық анықтама (флюорография суреті бар);
Шетелдік білім беру ұйымдары берген білім туралы құжаттар тұлғалар қабылдағаннан кейін 1 (бірінші) академиялық оқу кезеңі ішінде Қазақстан Республикасының заңнамасында белгіленген тәртіппен нострификациялау рәсімінен өтеді.