Студенттік жатақхана

ҚҰРМЕТТІ ТАЛАПКЕРЛЕР!

Университеттің студенттік жатақханасынан орын алу үшін білім алушылар өз өтінімдерін электронды түрде 2024 жылдың 21-31 тамызы аралығында https://www.kaznaru.edu.kz/applicants/house-students сілтемесі арқылы «Өтінім беру» бөліміне орналастыруы тиіс.

Студенттік жатақханадан бірінші кезекте орын алу құқығына ие білім алушылар:

• даму мүмкіндігі шектеулі тұлғалар, бала кезінен мүгедектер және мүгедек адамдар;
• жетім балалар, ата-анасының қамқорлығынсыз қалған, сондай-ақ ата-анасының екеуі немесе біреуі мүгедек балалар;
• кәмелетке толғанға дейін ата-анасының қамқорлығынсыз қалған, сондай-ақ ауыл жастары қатарынан ауылдың әлеуметтік-экономикалық дамуын айқындайтын білім беру бағдарламаларына түскен ауыл жастары, сондай-ақ Қазақстан Республикасының азаматы болып табылмайтын қандастар;
• бірінші курсқа қабылданғандар және грант бойынша білім алушылар;
• көп балалы және толық емес отбасылардан шыққандар;
• республиканың шалғай өңірлерінен келгендер;
• оқу, ғылым саласында жоғары жетісітк көрсеткен және университеттің қоғамдық өміріне белсенді қатысатын жоғары курстың білім алушылары.

Берілген электронды өтінімдер 2023 жылдың 21-31 тамызы аралығында қаралады. Студенттік жатақханаға орналастыру бойынша Комиссия орын беруді жеңілдіктер туралы құжаттар негізінде және кезек құқығын есепке ала отырып жүзеге асырады. Комиссия өз отырысында студенттер үйінен орын алған білім алушылар тізімін бекітеді.

Студенттік жатақханадан орын алған білім алушылар үшін қажетті құжаттар:

1. Жеке куәлік көшірмесі;
2. 3*4 сурет (2 дана);
3. Студенттік жатақханада тұру үшін төлем түбіртегінің көшірмесі;

Төлем жасау тәсілдері: 1. «Halyk Bank», «Банк Центркредит», «Каspi Bank» мобильді қосымшалары арқылы; 2. Осы банктердің бөлімшелеріндегі касса арқылы. Төлем мәліметтерінде міндетті түрде білім алушының толық аты-жөні,  ЖСН, төлемнің мақсаты «Жатақхана үшін»  деп көрсетілуі тиіс.

1. Медициналық тексеруден өткені туралы анықтама (университеттің медпунктінен беріледі);
2. Флюорография суреті.

Байланыс телефоны: 8 (7272) 64-48-05.

Электронды пошта: vospitatel@kaznaru.edu.kz