Жиі қойылатын сұрақтар / Мемлекеттік гранттар конкурсына құжаттарды қайда тапсыруға болады?
Өтініште сіз түскіңіз келетін университеттерді көрсете отырып, өз қалаңыздың кез-келген университетінің Қабылдау комиссиясында немесе egov арқылы құжаттарды тапсырыс бере аласыз.
Жиі қойылатын сұрақтар / ҚазҰАЗУ түсу үшін шекті балл қанша?
Республикалық бюджет немесе жергілікті бюджет қаражаты есебінен жоғары білімнің білім беру грантын беру конкурсына қатысу үшін
- орта, техникалық және кәсіптік немесе орта білімнен кейінгі білімі бар, ҰБТ − дан өткен және оның нәтижелері бойынша кемінде 65 балл жинаған,
- "ауыл шаруашылығы және биоресурстар", "Ветеринария" білім беру саласында - кемінде 50 балл жинаған
- "Құқық" даярлау бағытында - кемінде 75 балл жинаған талапкерлер жіберіледі.
Бұл ретте Қазақстан тарихынан ҰБТ-дан 5 балл, оқу сауаттылығы мен математикалық сауаттылық 3 баллдан кем болмауы керек.
Жиі қойылатын сұрақтар / Қаңтар айындағы ҰБТ тапсыру міндетті ме?
Жоқ, міндетті емес. ҰБТ қаңтар айында өз қалауы бойынша тапсырылады. Қаңтардағы ҰБТ сертификаты еліміздің университеттеріне ақылы бөлімге түсуге құқық береді.
Жиі қойылатын сұрақтар / Университетке шартты түрде қалай түсуге болады?
Бейіндік пәндердің сәйкес емес комбинацияларымен ҰБТ нәтижелері бойынша шекті балл жинамағандар ҰБТ-ның жойылған нәтижелерімен университетке күндізгі оқу нысаны бойынша ақылы негізде қабылданады.
Университетте бірінші оқыту жылы аяқталғанға дейін аталған тұлғалар ҰБТ-ны ұлттық бірыңғай тестілеуді өткізу қағидаларына сәйкес, белгіленген мерзімде қайта тапсырады.
1 (бірінші) оқу жылы аяқталғаннан кейін тапсырылатын ҰБТ нәтижелері бойынша шекті балды қайта жинамағандар университеттен шығарылуға жатады.
Жиі қойылатын сұрақтар / Қазір мен шартты түрдегі студентпін. Егер мен негізгі ҰБТ-да шекті балл жинамасам (2 рет тапсыру арқылы), олар мені оқудан шығарады ма?
Жоқ, егер сіз негізгі ҰБТ-да шекті ұпай жинамасаңыз, тамыз айындағы ҰБТ-ны тағы тапсыра аласыз.
Жиі қойылатын сұрақтар / Колледжден кейін грантқа қалай түсуге болады?
Қысқартылған оқу мерзімдерін көздейтін жоғары білім кадрларын даярлаудың ұқсас бағыттары бойынша республикалық бюджет немесе жергілікті бюджет қаражаты есебінен жоғары білімнің білім беру грантын беру конкурсына қатысу үшін техникалық және кәсіптік, орта білімнен кейінгі білімі бар, ҰБТ-дан өткен және оның нәтижелері бойынша кемінде 25 балл, оның ішінде ҰБТ-ның әр пәні бойынша кемінде 5 балл жинаған адамдар жіберіледі.
Университетке "орта буын маманы" немесе "қолданбалы бакалавр" біліктілігі бар техникалық және кәсіптік немесе орта білімнен кейінгі білімі бар, ақылы оқуға түсетін, қысқартылған оқу мерзімдерін көздейтін жоғары білім кадрларын даярлаудың ұқсас бағыттары бойынша адамдарды қабылдауды университеттің қабылдау комиссиясы сұхбаттасу арқылы жүзеге асырады.
Жиі қойылатын сұрақтар / Егер мен ақылы бөлімге түссем, грантқа қалай ауыса аламын?
Жыл сайын студенттерді мемлекеттік грантқа қабылдайтын әрбір университетте босатылған мемлекеттік Гранттар конкурсы өткізіледі. Грантқа ие болу үшін үздік оқу қажет. Өтініш беру арқылы жүзеге асырылады.
Жиі қойылатын сұрақтар / Университетте әскери кафедра бар ма?
Иә. ҚазҰАЗУ базасында әскери кафедра бар. Әскери кафедра - бұл білім беру бағдарламасы бойынша оқудан басқа университеттерде қосымша білім беру. Әскери кафедрада оқу міндетті емес.
Әскери кафедраға өтініштерді қабылдау жазда 2 курс басталғанға дейін өтеді. Сіз барлығы 2 жыл оқисыз (2 және 3 курс). Әскери кафедра запастағы лейтенант немесе сержант атағын алуға және әскери мансабын жалғастыруға мүмкіндік береді. Әскери кафедрада оқуды аяқтағаннан кейін сіз әскери билет аласыз, әскери қызметтен босатыласыз.
Жиі қойылатын сұрақтар / Университетке шетелдік азаматтар қалай оқуға түсуге болады және қандай құжаттар қажет?
Шетелдік азаматтарды ақылы негізде қабылдау Қабылдау комиссиясы күнтізбелік жыл ішінде өткізетін сұхбаттасу нәтижелері бойынша жүзеге асырылады. Бұл ретте шетелдік азаматтарды қабылдау академиялық күнтізбеге сәйкес келесі академиялық кезең басталғанға дейін 5 (бес) күн бұрын жүзеге асырылады.
Қажетті құжаттар:
* түсуге өтініш, онлайн нысанға сәйкес
* жалпы орта, техникалық және кәсіптік, орта немесе жоғары білімнен кейінгі құжат (түпнұсқа) Қазақ (мемлекеттік) және/немесе орыс тіліне нотариалды куәландырылған аудармасымен;
* паспорт және оның нотариалды куәландырылған қазақ (мемлекеттік) және/немесе орыс тіліндегі аудармасы бар көшірмесі;
* Өлшемі 3 x 4 сантиметр болатын 6 фотокарта;
* Қазақстанда жасалған 075-У нысаны бойынша Медициналық анықтама (флюорография суреті бар);
Шетелдік білім беру ұйымдары берген білім туралы құжаттар 1 (бірінші) академиялық оқу кезеңі ішінде адамдарды қабылдағаннан кейін Қазақстан Республикасының заңнамасында белгіленген тәртіппен нострификациялау рәсімінен өтеді.
Жиі қойылатын сұрақтар / IELTS сертификаты қалай есептеледі?
IELTS 6.0 сертификаты "ағылшын тілі" бейіндік пәні бойынша ҰБТ-ның ең жоғары балына аударылады.