Жасанды интеллект білім беру бағдарламасы студенттері тағам өндірісінде инновациялық тәжірибе алды

Қазақ ұлттық аграрлық зерттеу университетінің (KazNARU) «Жасанды интеллект» білім беру бағдарламасы студенттері тағам өнімдерінің технологиясы мен сапасының ғылыми-білім беру инновациялық орталығында тәжірибелік сабақтан өтті.

Сапар барысында студенттер тағам өндірісі процестерінің мәнін терең түсініп, жасанды интеллекттің қай салаларда тиімді қолданылатынын талқылады. Сонымен қатар, олар технологиялық процестерде уақытты үнемдеу, технолог мамандарының жұмысын жеңілдету және өндіріс сапасын арттыру жолдарын қарастырды.

Бұл тәжірибе студенттердің алған теориялық білімдерін нақты өндірістік жағдайда қолдануға мүмкіндік беріп қана қоймай, болашақ мамандардың инновациялық ойлауын дамытуға жол ашты.

KazNARU жасанды интеллект пен тағам өндірісін ұштастыра отырып, ғылым мен тәжірибенің тоғысында бәсекеге қабілетті, жаңа заман талаптарына сай мамандарды даярлауды жалғастыра береді.