KazNARU TIMES HIGHER EDUCATION ASIA UNIVERSITY RANKINGS 2026 РЕЙТИНГІНДЕ 801+ САНАТЫНА ЕНДІ
2025 жылы KazNARU өз тарихында тұңғыш рет Times Higher Education World University Rankings 2026 беделді рейтингіне алғаш рет кіріп, тарихи жетістікке жетті. Университет бірден 1500+ санатына енгізіліп, осы құрметке ие болған Қазақстанның үздік 5 жоғары оқу орнының бірі атанды.Ал 2026 жылы Азия елдерінің жоғары оқу орындары арасында KazNARU Times Higher Education Asia University Rankings беделді рейтингінде 801+ санатына еніп, халықаралық деңгейдегі жетістікке қол жеткізді.Аталған рейтинг Азия құрлығындағы жетекші жоғары оқу орындарының білім беру сапасы, ғылыми-зерттеу қызметі, білім тарату деңгейі, халықаралық ынтымақтастық және өндірістен түскен табыс секілді негізгі көрсеткіштер бойынша жан-жақты бағалау нәтижесінде қалыптасты. Осы өлшемдер университеттердің академиялық беделі мен жаһандық ықпалын айқындауда шешуші рөл атқарады.KazNARU-дың бұл рейтингке енуі – университеттің ауыл шаруашылығы ғылымын дамыту, инновациялық білім беру жүйесін жетілдіру және тұрақты даму қағидаттарын ілгерілету бағытындағы жүйелі еңбегінің айқын дәлелі. Білім ордасы халықаралық әріптестікті кеңейтіп, ғылыми-зерттеу әлеуетін күшейту арқылы жаһандық деңгейдегі өзекті мәселелерді шешуге, соның ішінде азық-түлік қауіпсіздігі мен экологиялық тұрақтылықты қамтамасыз етуге өз үлесін қосып келеді.Бұл жетістік – университеттің профессор-оқытушылар құрамы, зерттеушілері, білім алушылары және серіктестерінің ортақ еңбегінің нәтижесі. Сонымен қатар, KazNARU-дың әлемдік деңгейдегі зерттеу университеті болуға бағытталған стратегиялық даму жолының маңызды көрсеткіші болып табылады.KazNARU ұжымы мен студенттерін осы айтулы жетістікпен шын жүректен құттықтаймыз және олардың еңбегіне алғыс білдіреміз!KazNARU Баспасөз қызметі
