KazNARU-дың ҚАТЫСУЫМЕН РЕСПУБЛИКАЛЫҚ КӘСІБИ БАҒДАР ЖҰМЫСТАРЫ ЖАЛҒАСУДА
2026 жылдың 10 сәуірінде сағат 08:00-ден 17:00-ге дейін Өскемен қаласындағы С. Аманжолов атындағы Шығыс Қазақстан университетінде Қазақстан Республикасы Ғылым және жоғары білім министрлігінің бастамасымен ауқымды кәсіби бағдар беру жұмыстары ұйымдастырылды. Аталған іс-шараның негізгі мақсаты – талантты жастарды қолдау және жоғары білімнің қолжетімділігін арттыру.
Кездесуге Өскемен қаласы мен Шығыс Қазақстан облысының мектеп бітіруші түлектері қатысып, жалпы саны 1500-ден астам оқушы қамтылды. Іс-шара барысында талапкерлерге білім беру бағдарламалары, оқу мүмкіндіктері мен болашақ мамандық таңдаудың маңыздылығы кеңінен түсіндірілді.Қазақ ұлттық аграрлық зерттеу университеті атынан «Ветеринария және зооинженерия» факультетінің «Фармакология және жануарлар патологиясы» кафедрасының аға оқытушысы Умбетжанов Қайырбек Жексеналыұлы және осы факультеттің 2-курс студенті Әбдірашов Даниял кәсіби бағдар беру жұмыстарын жүргізіп, университеттің білім беру бағыттары мен мүмкіндіктері туралы жан-жақты ақпарат берді.Сонымен қатар, 2026 жылдың 13 сәуірінде әл-Фараби атындағы Қазақ ұлттық университеті базасында Алматы қаласы мен оған жақын орналасқан аудандардың мектеп бітіруші түлектеріне арналған кәсіби бағдар беру жұмыстары жалғасын тапты. Аталған ауқымды шараға 3500-ден астам оқушы қатысуда. Бұл іс-шараға да Қазақ ұлттық аграрлық зерттеу университеті белсенді түрде қатысып, талапкерлерге білім беру мүмкіндіктері мен мамандықтар жайлы жан-жақты ақпарат ұсынды.Аталған жұмыстар Астана, Павлодар, Семей қалаларынан бастау алған кәсіби бағдар беру іс-шараларының заңды жалғасы болып табылады.Осындай игі бастамалар арқылы жастардың саналы таңдау жасауына жол ашып, болашақ мамандықтарын айқындауға зор септігін тигізуде.
