KazNARU-да дәстүрлі КҮЗГІ КРОСС өтті!
2025 жылдың 4 қазанында, Қазақ ұлттық аграрлық зерттеу университетінің стадионында «Дене тәрбиесі және спорт» кафедрасының ұйымдастыруымен, сондай-ақ Кәсіподақ ұйымының қолдауымен профессор-оқытушылар құрамы мен қызметкерлер арасында дәстүрлі КҮЗГІ КРОСС жарысы өтті.
Кросстың ашылу салтанатында сөз сөйлеп, жарыстың басталуын Басқарма Төрағасы – Ректордың Бірінші орынбасары Пірімқұл Шолпанқұлұлы Ибрагимов ресми түрде ашты.
Биылғы жылы 54 қатысушы белсенділік танытып, бұл көрсеткіш өткен жылмен салыстырғанда едәуір артты. 
Жарысқа “Агробиология”, “Ветеринария және зооинженерия”, “Инженерлік технологиялар”, “Су ресурстары және IT-технологиялар” факультеттері мен “Әскери іс”, “Жалпы білім беру пәндері” кафедралары ерекше белсенді қатысты.
Қастысушылар жас ерекшеліктеріне қарай түрлі қашықтықтарда бақ сынады.
Жеңімпаздар мен жүлдегерлерге грамоталармен және сыйлықтарды Пірімқұл Шолпанқұлұлы табыстады.
Жарысқа қатысқан әріптестерімізге мықты денсаулық, қажымас қайрат пен биік шыңдарды бағындыруды тілейміз!
KazNARU Баспасөз қызметі
