KazNARU-да 22 жас ғалымға PhD дипломы табысталды

✅ Қазақ ұлттық аграрлық зерттеу университетінің Басқарма Төрағасы – Ректоры, ҚР Президенті жанындағы ҰҒА президенті Күрішбаев Ақылбек Қажығұлұлы ЖОО-ның диссертациялық кеңестерінде өз жұмыстарын сәтті қорғаған бір топ жас ғалымдарға «Жоғары оқу орнының белгіленген үлгідегі  философия докторы (PhD)» дәрежесі иегерлерін марапаттау рәсімін өткізді.
✅Университет басшысы Ақылбек Күрішбаев өзінің құттықтау сөзінде докторантураны жемісті аяқтаған жас ғалымдарға болашақта табыс тілеп, олардың ғылыми-техникалық бағдарламаларға және халықаралық жобаларға қатыса отырып, Қазақстан ғылымының дамуына зор үлес қосатынына сенім білдірді. 
✅Салтанатты жиында отандық ғылымның сапына қосылған жас докторанттар алдында KazNARU 6D120100 – «Ветеринариялық медицина» мамандығының  Философия докторы Исабеков Самат Серикович, 8D08103 – «Жеміс-көкөніс шаруашылығы» білім беру бағдарламасының Философия докторы Ажитаева Лаура Амантайқызы және 6D073200 – «Стандарттау және сертификаттау (салалар бойынша)» мамандығының Философия докторы Изтилеуов Максат Карсыбекович, ата-аналар атынан Сагинтаева Айгуль Сарсеновна жылы лебіздерін білдірді.
✅ «Философия докторы» дәрежесін алған 22 жас ғалымды шын жүректен құттықтаймыз және алдағы уақытта туған Отанға адал қызмет етіп, ғылым көгінде жарқырап көріне берулеріне тілектеспіз!

KazNARU Баспасөз қызметі