KAZNARU СТУДЕНТТЕРІ «ТАЗА ҚАЛА – ТАЗА ҚАЗАҚСТАН» АКЦИЯСЫ АЯСЫНДА АБАЙ АТАМЫЗДЫҢ РУХЫНА ТАҒЗЫМ ЕТТІ

2025 жылдың 13 қыркүйегінде Қазақ Ұлттық аграрлық зерттеу университетінің студенттері «Таза қала – таза Қазақстан» экологиялық акциясы аясында сенбілік өткізді.

Жастар тек университет аумағын ғана емес, сондай-ақ Абай даңғылы бойында орналасқан, ұлы ойшылдың қара сөздері қашалып жазылған тастың айналасын тазалап, абаттандыру жұмыстарына үлес қосты. Бұл игі іс-шара Абайдың 180 жылдық мерейтойына орай ұйымдастырылып, кемеңгер тұлғаның рухына тағзым ету мен оны ұмыт қалдырмау мақсатын көздеді.