«ЖЕТІСУ» ТЕЛЕАРНАСЫНЫҢ ЭФИРІНДЕ – KazNARU
Қазақстандық бұқаралық ақпарат құралдарының арасында өзіндік абыройлы орны бар «Жетісу» телеарнасы Қазақ ұлттық аграрлық зерттеу университетінің көп жылдардан бергі сенміді серігі ретінде ақпараттық қолдау көрсетіп келеді.
2025 жылдың 13 маусымынан бастап «Жетісу» телеарнасы келісілген кестеге сәйкес, KazNARU ерекшеліктерін қысқаша таныстыра отырып, жас түлектер мен барша көрермендерге ауыл шаруашылығы мамандықтары туралы ақпарат таратуды бастады.
Аграрлық саладағы жетекші университет туралы бірлесе түсірілген бейнесюжет тәулігіне 6 рет (қазақ-орыс тілдерінде) Жетісу, Алматы облыстары мен Алматы қаласы аумағында тікелей көрсетіледі.
Сонымен қатар, телеақпараттар спутниктік және «Отау-ТВ», «АлмаTV» т.б. кабельдік каналдары арқылы бүкіл Қазақстан мен жақын шетелдердің аумағына тарайды.
Телеканал ұжымының бастамасымен KazNARU туралы ақпарат «Жетісу» радиосы арқылы да тыңдармандарға жол тартты.
Айта кетейік, «Жетісу» ақпараттық-танымдық телеарнасы "Үздік өңірлік телеарна" номинациясы бойынша "Алтын жұлдыз" және "ТҰМАР" сыйлықтарының иегері!
Біздің әріптестік ынтымақтастығымыз нығая берсін!
Отандық ТОП-5 қатарындағы көшбасшы университетіміз өркендей берсін!
KazNARU Баспасөз қызметі
