АЛМАТЫ МЕТРОПОЛИТЕНІ KazNARU-дың СЕНІМДІ СЕРІКТЕСІ
Қазақстандағы жалғыз, Орталық Азиядағы екінші (Ташкент метросынан кейінгі) Алматы метросы Қазақ ұлттық аграрлық зерттеу университетінің сенімді серіктесі болып табылады!
2025 жылғы 13 маусымнан бастап метрополитеннің барлық станциялары мен вагондарында Қазақ ұлттық аграрлық зерттеу университетінің қызметі туралы бейнеролик іске қосылады!
Метрополитен бүгінде алматылықтар мен мегаполис қонақтарының өмірінің ажырамас бөлігіне айналды. Метро қызметін тәулігіне 100 мыңға жуық жолаушы пайдаланады.
"Метрополитен" КМК Халықаралық қоғамдық көлік одағының (Union Internationale des Transports Publics) құрамына кіреді. Ол әлемдегі 90-нан астам елдің 2900-дей қалалық және аймақтық компанияларын, барлық санаттарды қамтитын қоғамдық жолаушылар көліктері операторларын біріктіреді.
Метрополитен жұмысында әлемдік деңгейдегі озық заманауи ақпараттық-телекоммуникациялық технологиялар пайдаланылады.
KazNARU Қазақстанның ең үздік ТОП-5 қатарындағы және Алатаудың ең әсем жерінде – Абай даңғылындағы "Абай" метро станциясының жанында орналасқан көшбасшы оқу ордасы.
Біздің әріптестігіміз нығая берсін!
Туған университетіміз өркендей берсін!
KazNARU Баспасөз қызметі
