KazNARU – РЕСПУБЛИКАЛЫҚ ҚАЗАҚ РАДИОСЫНЫҢ ЭФИРІНДЕ
Қазақ ұлттық аграрлық зерттеу университеті мен республикамыздағы бірден-бір ресми ақпарат құралы – Қазақ радиосы өзара әріптестік туралы келісімшарт аясында оқу ордамыздың имиджін қалыптастыру және күнделікті қызметін қоғамға жеткізу мақсатында ақпараттық роликті эфирге шығарды.
Әріптес радио KazNARU туралы роликті бүгін, 2025 жылғы 01 маусым сағ. 08-35 бастап – 21 тамыз аралығында күніне бес рет, екі тілде эфирден беріп отыратын болады.
1921 жылы 1 қазанда ашылған, ғасырдан аса бай тарихы бар Қазақ радиосы – Қазақстанның жеткен жетістіктері мен халқымыздың рухани, мәдени болмысын, тарихи мұраларын, тілі мен ділін, ел ішіндегі жаңалықтарын тәулік бойы әлемге жеткізетін бірден-бір ұлттық ақпарат құралы.
Сонымен қатар, ел аумағындағы тыңдармандардың 90 пайызын қамти отырып, дүние дүрмегінде болып жатқан сан¬алуан жаңалықтарды да республикамызда ең алдымен жеткізетін осы арна. Шығармашылық жетістіктері үшін көптеген республикалық және халықаралық байқаулардың жүлдегері атанған Қазақ радиосының аудиториясы жыл сайын артып келеді.
Алға қойған ортақ мақсатымызға сәттілік тілейміз!
ЖАС ТАЛАПКЕР!
Агроөнеркәсіптік кешен мамандықтары – жастарды табысқа жетелейтін мамандық!
KazNARU-мен бірге шетелдік оқу орнының қос дипломына ие болғың келсе, өз болашағыңды таңда!
KazNARU Баспасөз қызметі
