«Smart AgroScience: жас ғалымдардың зерттеулері мен инновациялары» атты жас ғалымдар мен студенттердің халықаралық ғылыми-тәжірибелік конференциясы
KazNARU жас ғалымдарды 2026 жылғы 5–6 мамырда Университетте өтетін «Smart AgroScience: жас ғалымдардың зерттеулері мен инновациялары» атты жас ғалымдар мен студенттердің халықаралық ғылыми-тәжірибелік конференциясына қатысуға шақырады.
Конференцияның мақсаты – жас ғалымдар мен студенттердің ғылыми-шығармашылық белсенділігін ынталандыру, олардың зерттеушілік құзыреттерін дамыту, заманауи ғылымның басым міндеттерін шешуге тарту, сондай-ақ агроөнеркәсіптік кешен мен ұлттық экономиканың индустриялық-инновациялық дамуына ықпал ету.
Конференцияға қатысу студенттерге, магистранттарға, докторанттарға және 40 жасқа дейінгі жас ғылыми қызметкерлерге өз ғылыми зерттеулерінің нәтижелерін ұсыну және кеңінен таныстыру үшін кең мүмкіндіктер береді.
Конференция аясында қатысушылардың кәсіби құзыреттерін қалыптастыру және дамытуға бағытталған шеберлік сабақтары мен тәжірибе алмасу алаңдары ұйымдастырылады.
Конференцияның өтетін орны: Қазақстан Республикасы, 050010, Алматы қаласы, Абай даңғылы, 8.
Конференция туралы толық ақпаратпен ақпараттық хаттан таныса аласыздар.
