«SAMAL WATER» КӘСІПОРНЫНА ОҚУ ЭКСКУРСИЯСЫ
Инженерлік технологиялар факультетінің Түркменстаннан келген «Тағам қауіпсіздігі» білім беру бағдарламасының 1-курс студенттері «Тағам өнімдерінің технологиясы және қауіпсіздігі» кафедрасы ұйымдастырған «Samal water» кәсіпорнына көшпелі оқу экскурсиясына қатысты.
Іс-шараның мақсаты – теориялық білімді бекіту және студенттерді ауыз суды дайындау саласындағы өндірістік қызметтің нақты жағдайларымен таныстыру.Экскурсия барысында студенттер өндірістік үдерістің толық циклімен, соның ішінде суды алу, тазарту, өңдеу және тұтынуға дайындау кезеңдерімен танысты. Өнімнің сапасы мен қауіпсіздігін қамтамасыз етуде қолданылатын заманауи технологияларға, сондай-ақ өндірістегі санитариялық-гигиеналық талаптарға ерекше назар аударылды.Сапар аясында білім алушылар:— ауыз суды дайындаудың негізгі технологиялық кезеңдерін зерттеді;
— кәсіпорынның өндірістік жабдықтары мен инфрақұрылымымен танысты;
— өнім сапасы мен қауіпсіздігін бақылау мәселелерін қарастырды;
— өндірістік қызметтің экологиялық аспектілері мен табиғи ресурстарды ұтымды пайдалану мәселелерін талқылады.
Осындай іс-шаралар кәсіби құзыреттерді қалыптастыруға, практикалық ойлауды дамытуға және болашақ кәсіби қызметтің маңызын тереңірек түсінуге ықпал етеді. «Samal water» кәсіпорнына экскурсияны ұйымдастыруға көрсеткен қолдауы және студенттерге өндірістік үдерістермен танысуға мүмкіндік бергені үшін алғыс білдіреміз.
.jpeg)
