Start UP Day сайысында 24 студенттік жоба таныстырылып, үздіктер анықталды

2025 жылдың 4 желтоқсаны күні Қазақ ұлттық аграрлық зерттеу университетінің (KazNARU) Агрохабында студенттердің кәсіпкерлік ойлауын дамытуға, инновациялық идеялармен бөлісуге және сарапшылардан практикалық кеңестер алуға бағытталған «Start UP Day» іс-шарасы өтті. Шара барысында университет студенттері 24 стартап-жобаны ұсынып, техникалық және кәсіпкерлік бағыттар бойынша өздерінің озық шешімдерін таныстырды.

Қазылар алқасының құрамы

• Гани Абадан — бизнес-тренер және ментор
• Аймұхамбет Гүлайым Нұрсафақызы — Ғылым департаментінің жетекші маманы
• Баймуканов Аскар Боранкулович — ҒЗИ қызметін үйлестіру орталығының жетекші маманы, экономист

Іс-шараны KazNARU Басқарма Төрағасы – Ректордың Бірінші орынбасары, ветеринария ғылымдарының докторы, профессор Ибрагимов Пірімқұл Шолпанқұлұлы ашып, студенттік бастамаларды қолдаудың, инновациялық ойлауды дамытудың және университетте тұрақты кәсіпкерлік экожүйе қалыптастырудың маңыздылығын атап өтті.

Жобаларды таныстыру және бағалау тәртібі

Әр қатысушы командаға:

• 5 минут – жобаны таныстыруға,

• 3 минут – қазылар алқасының сұрақтарына жауап беруге

уақыт берілді.

Ұсынылған стартаптарда технологиялық әзірлемелер, инженерлік шешімдер, экологиялық және әлеуметтік бағыттағы инновациялар қамтылды.

Жеңімпаз жобалар

🥇 1-орын – «Sperm-mobil» жылжымалы қолдан ұрықтандыру станциясы

Бағалау: идеяның түпнұсқалығы мен практикалық маңыздылығы
Топ мүшелері:
Сарсен Ардақ (Ветеринария-23-13А),
Жаманов Мирас (Ветеринария-22-01),
Мұхамадқұлов Жарқынбек (Вет-22-03)

Жетекшілері:
«Ветеринария және зооинженерия» факультетінің клиникалық пәндер кафедрасы
– қауымдастырылған профессор м.а. Бименова Ж.Ж.
– аға оқытушы Қасымбекова Ш.Н.
– аға оқытушы Тұрғұмбеков А.А.

🥈 2-орын – «Mama Bread» жүкті әйелдерге арналған функционалды нан өнімі

Бағалау: жобаның кәсіпкерлік әлеуеті
Қатысушы: Арнұрқызы Шұғыла (ТПРП-22-09К)

Жетекші:
«Инженерлік технологиялар» факультеті,
«Тағам өнімдерінің технологиясы және қауіпсіздігі» кафедрасының аға оқытушысы Муратбекова Қарлығаш Муратбекқызы

🥉 3-орын – «Су қоймаларынан су сынамаларын алуға арналған құрылғы»

Бағалау: экологиялық мониторингтегі маңыздылығы
Топ мүшелері:
Нұрлан Темірлан Махсатұлы,
Кенже Айнұр Асылбекқызы,
Ақбай Мерей Берікқызы,
Асанхан Рахымжан Шерханұлы,
Байғазы Диас Бахытжанұлы (ВХМ-24-05Р)

Жетекшілері:
«Су ресурстары және ІТ технологиялар» факультетінің оқытушылары
– профессор Бердышев А.С.
– профессор Сейтасанов И.С.
– аға оқытушы Зұлпыбекова С.Б.

Іс-шара қорытындысы

«Start UP Day» KazNARU-де студенттік кәсіпкерлікті қолдауға бағытталған маңызды бастамалардың бірі болды. Шара шабытқа толы атмосферада өтіп, жас инноваторлар өз идеяларын жүзеге асыру жолында маңызды тәжірибе жинақтады.

Іс-шара соңында жеңімпаздар марапатталып, ақшалай сыйлықтар мен сертификаттар табысталды. Қазылар алқасы барлық қатысушылардың белсенділігіне алғыс білдіріп, ұсынылған идеялардың жоғары деңгейін атап өтті.