KazNARU: АЛҒАШҚЫ САБАҚТЫҢ ҚЫЗЫҚТЫ СӘТТЕРІ...
ҚОШ КЕЛДІҢ, ҚҰРМЕТТІ СТУДЕНТ!
Қазақ ұлттық аграрлық зерттеу университетінің оқу аудиторияларында алғашқы дәрістер басталды.
Бірінші оқу күні құтты болсын!
Оқу ордамыздың табалдырығын биыл аттаған білім алушылар ұстаздарымен, өздерінің құрбыларымен жүздесе отырып, университеттің тыныс-тіршілігімен, шығармашылық үйірмелердің және студенттік өзін-өзі басқару ұйымдарының қызметімен танысу апталығын бастады.
Жаңа оқу жылында университетімізге 3 мыңнан аса білім алушылар, оның ішінде 1500-ге жуық мемлекеттік грант иегері, 800-ден аса шетелдік студенттер қабылданды. Бұл өткен жылғы көрсеткішпен салыстырғанда екі есеге көп. Олардың арасында Халықаралық олимпиада жүлдегерлері, «Алтын белгі» мен «Қызыл аттестат» иегерлері, көп тілді меңгерген алғыр жастар бар.
Сонымен қатар, KazNARU базасындағы «Ташкент ирригация және ауыл шаруашылығын механикаландыру инженерлері институтының» ҰЗУ Филиалының табалдырығын 70 студент аттап отыр.
Бүгінде университетіміздің Басқарма Төрағасы - Ректоры Күрішбаев Ақылбек Қажығұлұлының басшылығымен білім алушылар үшін барлық қажетті әлеуметтік-тұрмыстық жағдайлар толық жасалынған. Заманауи оқу корпустары, жайлы жатақханалар, жаңа технологиямен жабдықталған аудиториялар мен ғылыми-зерттеу орталықтарының есігі айқара ашық.
KazNARU – Алматы қаласындағы студенттерін жатақханамен қамтамасыз еткен жалғыз оқу орны. Сонымен бірге, студенттеріміз шет елдердің озық университеттерінде білімін жетілдіріп, тәжірибе жинақтап, екі дипломға ие болу мүмкіндігіне ие болып отыр.
Жүз жылға жуық тарихы бар қара шаңыраққа қош келдіңіздер!
Білім жолындағы алғашқы қадамдарыңыз құтты болсын!
KazNARU Баспасөз қызметі.
