2025 жылғы 26-27 маусым аралығында Су ресурстарын басқару ғылыми орталығында "Құрғақшылық аймақтарда ақылды ауыл шаруашылығы үшін жоғары тиімді су үнемдейтін технологиялар мен жабдықтар" тақырыбындағы Халықаралық симпозиум өтті.

Симпозиум климаттың өзгеруі, су ресурстарының тапшылығы және ауыл шаруашылығының тұрақтылығы сияқты өзекті жаһандық сын-қатерлерге жауап іздеуге арналған ғылыми-практикалық алаң ретінде ұйымдастырылды.
Бұл іс-шара Қытай мен Қазақстан арасындағы ғылыми-техникалық ынтымақтастықты нығайтуға, сондай-ақ су үнемдеу мен цифрлық технологиялар саласындағы озық тәжірибе мен шешімдер алмасуға бағытталған.