KazNARU «АГРОБИОЛОГИЯ» ФАКУЛЬТЕТІ МЕКТЕП БІТІРУШІ ТҮЛЕКТЕРДІ БІЛІМ АЛУҒА ШАҚЫРАДЫ!

Егер, сіздер еліміздің және туған өлкеміздің аграрлық саласын дамытуды мақсат тұтқан босаңыздар, университетімізге келіп, агросаланың білікті маманы атаныңыздар!

Егер, сіздер KazNARU мен шет елдің озық университеттерінде қатар білім алып, екі дипломға ие болғыларыңыз келсе, әрқашан есігіміз ашық!

Сол жасалған мүмкіндіктің арқасында KazNARU студенттері шет елдерде оқып, білімін жетілдіруде. Жақында Ұлыбританияның Гленкарс, Ротвелл қалаларында (Ұлыбритания және Солтүстік Ирландия біріккен Корольдігі) «Агробиология» факультетінің 4 курс студенттері өндірістік практикадан, ал 2 магистрант зерттеу практикасынан өтіп келді.

Академиялық оралымдылық бағдарламасы бойынша Венгрияның Геделе қаласындағы «Венгрия ауыл шаруашылығы және жаратылыстану ғылымдары» университетінде 3 курс студенттері Бағди Елиза мен Ізтай Қасымхан білімдерін жетілдіруде.

KazNARU «Asia 2024» әлемдік рейтингісіне Орталық Азиялық жоғары оқу орындары арасында 6-орын, қазақстандық ЖОО арасында ең үздік 5-тің қатарынан көрінді.

KazNARU Алматы қаласында өз студенттерін жатақханамен толық қамтамасыз еткен жалғыз университет.

Бізді таңдау арқылы сіздер үлкен өмірге жолдама аласыздар!

Аграрлық мамандықтар сіздерді зор табыс пен жетістіктерге бастайды!

KazNARU Баспасөз қызметі

Басқа жаңалықтар

Жаңалықтар

Алматыда ветеринариялық білім беруді үйлестіру және «Біртұтас денсаулық» тұжырымдамасын интеграциялау жөніндегі аймақтық семинар басталды 2025 жылғы 14–16 қазан аралығында Алматы қаласында Дүниежүзілік жануарлар денсаулығын сақтау ұйымының (WOAH, ВОЗЖ) «Ветеринариялық білім беруді үйлестіру: түлектердің (Day-1 graduates) ВОЗЖ құзыреттеріне сәйкестігі және ветеринариялық оқу бағдарламаларына “Біртұтас денсаулық” тұжырымдамасын енгізу» тақырыбындағы аймақтық семинары өтіп жатыр. Іс-шараның ұйымдастырушылары – Дүниежүзілік жануарлар денсаулығын сақтау ұйымы (ВОЗЖ), Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті, сондай-ақ Қазақ ұлттық аграрлық зерттеу университеті (KazNARU). Семинарға халықаралық және ұлттық құрылымдардың өкілдері қатысты, олардың арасында: — Аманғали Бердалин, Қазақстан Республикасы Ауыл шаруашылығы вице-министрі; — Тасқын Қызайбаев, ҚР Ветеринариялық бақылау және қадағалау комитетінің төрағасы, ВОЗЖ делегаты; — Примқұл Ибрагимов, Қазақ ұлттық аграрлық зерттеу университеті (KazNARU) басқарма төрағасының бірінші орынбасары – ректор; — доктор Б. Сумаре, ВОЗЖ бас директорының орынбасары; — доктор М. Тайтұбаев, ВОЗЖ-дың Орталық Азиядағы өкілі. KazNARU атынан семинарға «Ветеринария және биотехнология» факультетінің профессор-оқытушылар құрамы мен студенттері қатысты. Университет «Ветеринариялық білім беруді қайта қарастыру: ветеринария мамандығы бойынша инклюзивті және тиімді оқу бағдарламасына арналған студенттердің идеялары» тақырыбында студенттік постер көрмесін ұсынды. Семинарға Қазақстан, Өзбекстан, Қырғызстан, Тәжікстан, Армения, Әзербайжан, Грузия, Беларусь және Ресей сияқты 10 елдің өкілдері қатысуда. Қатысушылар қатарында ветеринариялық қызметтердің өкілдері, университет ректорлары мен декандары, сондай-ақ ВОЗЖ және EAEVE сарапшылары бар. ВОЗЖ сарапшылары — доктор В. Шарандак, доктор Д. Морозов, доктор М. Тайтұбаев, сондай-ақ Қазақстан мен Өзбекстан өкілдері ветеринариялық білім беруді реформалау тәжірибесімен бөлісті. Ынтымақтастық және тәжірибе алмасу Семинар бағдарламасында үздік тәжірибелерді талқылау, құзыреттерді талдау бойынша топтық жаттығулар, сондай-ақ қатысушылардың KazNARU университетіне баруы қарастырылған. Ерекше назар үздіксіз кәсіби даму (CPD) мәселелеріне және ветеринариялық мамандардың біліктілігін арттырудағы университеттердің рөліне аударылды. Сондай-ақ «Біртұтас денсаулық» тұжырымдамасын енгізу мәселесіне баса назар аударылды. Бұл тұжырымдама адамдардың, жануарлардың және қоршаған ортаның саулығын қамтамасыз ету үшін ветеринария, медицина және экология саласы мамандарының күш-жігерін біріктіреді. Аталған тақырып бойынша ВОЗЖ және Дүниежүзілік денсаулық сақтау ұйымының (ДДСҰ) өкілдері баяндама жасады. Олардың арасында Қазақстандағы ДДСҰ өкілі Абзал Жамагалиұлы және KazNARU университетінің өкілдері бар, олар «Біртұтас денсаулық» қағидаттарын оқу жоспарларына енгізу тәжірибесін ұсынды. Семинардың негізгі мақсаты – өңірдегі ветеринариялық жоғары оқу орындарының әлеуетін нығайту және халықаралық стандарттарға сай жұмыс істей алатын кадрларды даярлау. Іс-шараның басты міндеті – оқу бағдарламаларын ВОЗЖ-дың «Day-1 graduates» құзыреттерімен сәйкестендіру және адамдардың, жануарлардың және экожүйенің саулығын біріктіретін пәнаралық «Біртұтас денсаулық» тәсілін интеграциялау. Бірінші күннің қорытындысы бойынша қатысушылар ветеринариялық кадрларды даярлау саласындағы өңірлік басымдықтарды, оқу бағдарламаларын жаңғырту жолдарын және халықаралық ынтымақтастықты кеңейту мүмкіндіктерін талқылады. Семинар 16 қазанға дейін жалғасады. Бағдарлама аясында шеберлік сыныптар, пікірталас алаңдары және ВОЗЖ-дың жаһандық білім беру бастамаларын енгізу тәжірибесімен алмасу жоспарланған.

14 Қазан

Толығырақ

Жаңалықтар

KazNARU «АГРОБИОЛОГИЯ» ФАКУЛЬТЕТІ МЕКТЕП БІТІРУШІ ТҮЛЕКТЕРДІ БІЛІМ АЛУҒА ШАҚЫРАДЫ!

KazNARU «АГРОБИОЛОГИЯ» ФАКУЛЬТЕТІ МЕКТЕП БІТІРУШІ ТҮЛЕКТЕРДІ БІЛІМ АЛУҒА ШАҚЫРАДЫ!

Басқа жаңалықтар

KazNARU-да «Гүлденген Қытай» Қытай тілі орталығы ашылды

KazNARU-да жаңартылатын энергия көздері бойынша танымдық дәрістер өтті

KazNARU МАМАНДЫҚ ТАҢДАУҒА БАҒЫТ БЕРДІ