«БІЛІМ ЖӘНЕ МАНСАП» ХАЛЫҚАРАЛЫҚ КӨРМЕСІНЕ ҚАТЫСУ
Алматы қаласындағы «Атакент» көрме орталығында өткен «Білім және мансап» халықаралық көрмесіне Қазақ ұлттық аграрлық зерттеу университетінің "Су ресурстары және IT-технологиялар" факультетінің ПВИИ26-01к тобының студенттері және куратор Бердімұрат Ш. қатысты.
Көрме барысында студенттер халықаралық білім беру мүмкіндіктерімен, шетелдік жоғары оқу орындарының бағдарламаларымен және заманауи технологиялар саласындағы жаңа бағыттармен танысты.
🇨🇳 Іс-шараның маңызды сәттерінің бірі – Қытай Халық Республикасының Чжэцзян технологиялық университетінің (浙江工业大学 – Zhejiang University of Technology, ZJUT) өкілдерімен кездесу болды.
🤝 Қазақ ұлттық аграрлық зерттеу университеті мен Чжэцзян технологиялық университеті арасында 6B06104 – «Жасанды интеллект» және 6B06105 – «Кеңістіктік-уақыттық жасанды интеллект» білім беру бағдарламалары бойынша халықаралық ынтымақтастық жүзеге асырылуда.
📚 Аталған бағдарламалар «2+2» қос дипломды білім беру жүйесіне негізделген. Студенттер алғашқы екі жылын Қазақстанда, кейінгі екі жылын Қытайда білім алып, екі университеттің дипломын алу мүмкіндігіне ие болады.
💡 Кездесу студенттер үшін ерекше маңызды болды. Олар серіктес университет өкілдерімен тікелей жүздесіп, Қытайдағы оқу мүмкіндіктері, халықаралық білім беру ортасы және жасанды интеллект саласындағы кәсіби даму бағыттары туралы ақпарат алды.
✨ Осындай кездесулер студенттердің білімге деген ынтасын арттырып, халықаралық тәжірибе жинауға, кәсіби көкжиегін кеңейтуге және болашақ мақсаттарын айқындауға ықпал етеді.
🌐 Білім мен халықаралық ынтымақтастық – болашақтың жаңа мүмкіндіктеріне бастар жол!