KazNARU және “ТИАШМИИ” Ұлттық зерттеу университетінің филиалы «Білім және мансап – 2025» халықаралық көрмесіне бірлесе қатысуда

KazNARU және “ТИАШМИИ” Ұлттық зерттеу университетінің филиалы 19–21 қараша күндері «ATAKENT-EXPO» кешенінде өтетін «Білім және мансап – 2025» халықаралық көрмесіне бірлесе қатысып, білім беру саласындағы өз мүмкіндіктерін таныстыруда. Үш күндік шара барысында филиал директоры Бердышев Абдурахим Сулейманович пен оқу жөніндегі басшысы Зулпибекова Сандугаш Бекболатовна талапкерлерге кәсіби бағдар беріп, филиалдың білім беру бағдарламалары, қабылдау талаптары және екі диплом алу мүмкіндігі туралы жан-жақты ақпарат ұсынды.

Көрме Қазақстан Республикасы Ғылым және жоғары білім министрлігінің, сондай-ақ бірқатар салалық ұйымдардың ресми қолдауымен ұйымдастырылып отыр. Іс-шараның ресми ашылуы ҚР Ғылым және жоғары білім министрінің кеңесшісі Емелбаев Руслан Тоқтарбекұлының құттықтау сөзімен басталды.

Жиырма жылдан астам тарихы бар «Білім және мансап» халықаралық көрмесі – заманауи білім беру технологиялары мен инновациялық оқу бағдарламаларын ұсынатын, жастар мен жетекші оқу орындарын байланыстыратын маңызды алаң болып табылады.