УМО - Қазақ Ұлттық Аграрлық Зерттеу Университеті

РОӘК Оқу әдістемелік бірлестік

ОӘБ туралы мәлімет
Жарқын сәттер
ОӘБ туралы ақпарат УМО отырысы Жұмыс жоспары Құрамы Жарқын сәттер
«Қазақ ұлттық аграрлық зерттеу университеті» КеАҚ жанындағы Республикалық оқу-әдістемелік кеңесінің «Ауыл шаруашылығы және биоресурстар», «Ветеринария» білім беру салалары бойынша Оқу – әдістемелік бірлестік - Жобаларды басқару топтары (бұдан әрі-ОӘБ-ЖБТ)
 
Республикалық оқу-әдістемелік кеңестің оқу-әдістемелік бірлестік-Жобаларды басқару тобының төрағасы - «ҚазҰАЗУ» КеАҚ Басқарма Төрағасыекторы, ҚР ҰҒА Вице-президенті, академик Тілектес Исабайұлы Есполов;
Республикалық оқу-әдістемелік кеңестің оқу – әдістемелік бірлестік-жобаларды басқару тобы төрағасының орынбасары – «ҚазҰАЗУ» КеАҚ Басқарма төрағасының орынбасары–провосты, академик Қанат Маратұлы Тиреуов;
«ҚазҰАЗУ» КеАҚ оқу және оқу-әдістемелік жұмыс жөніндегі проректоры, профессор Бақыт Баймұратқызы Қалықова;
Республикалық оқу-әдістемелік кеңестің оқу-әдістемелік бірлестік-жобаларды басқару тобының ғылыми хатшысы - Исабек Жанашев
Жетекші сарапшы - Курбаналиев Болат Булдурукович
 
Мекен-жайы: Алматы қаласы, Абай даңғылы, 8 үй, ҚазҰАЗУ, бас ғимарат, 52 каб.
Тел: +7 (727) 262 03 32,
электрондық пошта:
izhanashev@mail.ru
bolat.kurbanaliev@kaznaru.edu.kz
 
«ҚазҰАЗУ» КеАҚ базасында Республикалық оқу-әдістемелік кеңесінің ОӘБ-ЖБТ
«ҚазҰАЗУ» КеАҚ базасында Республикалық оқу-әдістемелік кеңестің Оқу-әдістемелік бірлестігі-Жобаларды басқару топтары ҚР Білім және ғылым министрлігінің 2018 жылғы 12 қазандағы № 562 бұйрығымен құрылды.
Оқу-әдістемелік бірлестік – Жоғары оқу орындары жанындағы Республикалық оқу-әдістемелік Кеңестің (бұдан әрі ОӘБ) «Ауыл шаруашылығы және биоресурстар», «Ветеринария» кадрларын даярлау бағыттары бойынша «ҚазҰАЗУ» КеАҚ жанындағы жобаларды басқару топтары білім беру саласындағы мемлекеттік саясатты іске асыру, жоғары оқу орындарының білім сапасын қамтамасыз ету жөніндегі жоғары оқу орындарының қызметін үйлестіру мақсатында жоғары және жоғары оқу орнынан кейінгі білім беру жүйесінде құрылған қоғамдық-кәсіптік ұйымдар болып табылады, сондай-ақ академиялық қоғамдастық пен жұмыс берушілердің бәсекеге қабілетті білім беру бағдарламаларын әзірлеуге қатысады.
ОӘБ – ЖБТ құзыретіне білім беру салаларының келесі бағыттарына біріктірілген жоғары және жоғары оқу орнынан кейінгі білім беру бағдарламаларының 8 тобы жатқызылған:
«Ауыл шаруашылығы және биоресурстар»;
«Ветеринария».
 
ОӘБ – ЖБТ қызметіне мыналар жатады:
  • жоғары және (немесе) жоғары оқу орнынан кейінгі білім беру ұйымдарының, жұмыс берушілер, аккредиттеу агенттіктері мен өзге де ұйымдар өкілдерінің жоғары және (немесе) жоғары оқу орнынан кейінгі білім беру сапасын қамтамасыз етудің сыртқы және ішкі жүйелерін жетілдіру мақсатында өзара іс-қимылын жүзеге асыру;
  • жоғары және жоғары оқу орнынан кейінгі білім берудің мемлекеттік жалпыға міндетті стандарттарын, жоғары және (немесе) жоғары оқу орнынан кейінгі білім беру кадрларын даярлау бағыттарының сыныптауышын жетілдіру бойынша ұсынымдар дайындау;
  • ұлттық біліктілік шеңберіне, салалық біліктілік шеңберлеріне және кәсіптік стандарттарға сәйкес жоғары және жоғары оқу орнынан кейінгі білімі бар кадрларды даярлау бағыттары бойынша оқыту нәтижелерін қалыптастыру бойынша ұсынымдар дайындау;
  • жетекшілік ететін кадрларды даярлау бағыттарының профессорлық-оқытушылық құраммен, әдебиетпен, электрондық деректер базасымен және басқа да қажетті ресурстармен қамтамасыз етілуіне мониторинг жүргізу;
  • жоғары, жоғары оқу орнынан кейінгі және қосымша білімі бар жетекшілік ететін бағыттар бойынша оқулықтарға, оқу құралдарына, тест тапсырмаларына, әртүрлі деңгейдегі оқу басылымдарына сараптама жүргізу, рецензиялау;
  • Ұлттық бірыңғай тестілеудің, жоғары білім беру ұйымдарына түсу кезінде кадрлар даярлау бағыттары бойынша талапкерлерді кешенді тестілеудің бейіндік пәндерін, сондай-ақ жоғары білім беру ұйымдары білім алушыларының оқу жетістіктерін сырттай бағалау пәндерін айқындау бойынша ұсынымдар қалыптастыру;
  • инновациялық білім беру технологияларын енгізу және көптілді білім беруді, дуальды оқыту жүйесін енгізу бойынша озық тәжірибені тарату бойынша ұсыныстар дайындау;
  • білім беру қызметтерін тұтынушы ретінде жұмыс берушінің үміттері мен талаптарын ескере отырып, білім беру бағдарламаларының мазмұны мен оқыту әдістерін жетілдіру бойынша ұсыныстар дайындау;
  • әлемдік практикаға, оның ішінде шетелдік жоғары оқу орындарына білім беру процесінің сапасын қамтамасыз етудің ішкі және сыртқы жүйелерін құру бойынша ұсынымдық сипаттағы әдіснамаларды әзірлеу мақсатында талдау жүргізу және қорыту.
 
ОӘБ – ЖБТ қызметін басқару және ұйымдастыру
ОӘБ-ЖБТ өз қызметін оның құрамына кіретін барлық мүшелердің тең құқылығы, басшылықтың алқалылығы, қабылданатын шешімдердің жариялылығы қағидаттарында құрады.
Оқу-әдістемелік бірлестіктің қызметіне басшылықты алқалы орган – ҚР Ауыл шаруашылығы министрлігіне жататын 3 жетекші ЖОО-ның және ҚР аграрлық секторы үшін кадрлар даярлауды жүзеге асыратын 20-ға жуық ЖОО-ның өкілдерін, ауыл шаруашылығы бағытындағы 10-нан астам ғылыми-зерттеу институттарының ғалымдарын, сондай-ақ ірі кәсіпорындардың, мекемелер мен ұйымдардың басшылары мен жетекші мамандарын қамтитын ОӘБ-ЖБТ кеңесі жүзеге асырады.
РОӘК ОӘБ Кеңесінің отырыстары жылына кемінде 2 рет өткізіледі.
РОӘК ОӘБ-ге және ОӘБ-ЖБТ-ға енген білім беру бағдарламаларының алуан түрлілігіне байланысты бірқатар құрылымдық бөлімшелер құрылды. Бұл ұқсас мамандықтар мен бағыттар топтары бойынша 5 оқу-әдістемелік сектор. Осы секторлардың басшылары болып «ҚазҰАЗУ» КеАҚ тиісті факультеттерінің декандары тағайындалды. Сонымен қатар, білім беру бағдарламалары бойынша әрбір кафедра базасында ішкі секторлар құрылып, тиісті кафедралардың меңгерушілері анықталды.
 
Білім беру саласы Даярлау бағыттары
6В08 Ауыл шаруашылығы және биоресурстар 6В081 Агрономия
6В082 Мал шаруашылығы
6В083 Орман шаруашылығы
6В084 Балық шаруашылығы
6В086 Су ресурстары және суды пайдалану
6В087 Агроинженерия
6В09 Ветеринария 6В091 Ветеринария
 
 
Соңғы жаңалықтар Танымал Оқылған Жаңалықтар мұрағаты