«Қазақ ұлттық аграрлық зерттеу университеті» КЕАҚ жанындағы Республикалық оқу-әдістемелік кеңесі «Ауыл шаруашылығы және биоресурстар», «Ветеринария» даярлау бағыттары бойынша Оқу-әдістемелік бірлестік -Жобаларды басқару тобы «Ауыл шаруашылығы және биоресурстар», «Ветеринария» даярлау бағыттары бойынша білім беру бағдарламаларын сәйкестендіру» тақырыбындағы кеңесі 27 қаңтар 2023 жылы онлайн/офлайн форматта өтті. Кеңеске ОӘБ-ЖБТ мүшелері (онлайн форматта 128, офлайн форматта 38) қатысты.
ҚР Ғылым және Жоғары Білім Министрлігі 29 қараша 2022 жылғы №1550/04-322 хатында келтірілген Ауыл шаруашылығы саласындағы жаңартылған кәсіби стандарттарға сәйкес «Ауыл шаруашылығы және биоресурстар» білім беру саласындағы білім беру бағдарламаларын жаңарту немесе жаңадан әзірлеу мәселесі талқыланды.
Кеңес отырысын РОӘК ОӘБ-ЖБТ төрағасының орынбасары А. Қайырбаева кіріспе сөз сөйлеп ашты. Ол, жаңартылуды талап етіліп отырған білім беру бағдарламалары еліміздің 22 жоғары оқу орынында (6В081-Агрономия білім бағдарламалар тобы еліміздің 16 ЖОО; 6В082-Мал шаруашылығы - 12 ЖОО; 6В083- Орман шаруашылығы – 8; 6В084-Балық шаруашылығы -5; 6В087-Агроинженерия -9; 6В086-Су ресурстары және суды пайдалану -7; 6В091-Ветеринария -9) оқытылатындығына тоқталды.
Осыған байланысты Ауыл шаруашылығы кадрларын даярлайтын ЖОО арасындағы Академиялық ұтқырлықты және білім беру бағдарламаларын оңтайландыру жұмыстарын жүргізу қажет, - деді А.Қайырбаева кіріспе сөзінде. Күн тәртібіне сәйкес баяндама жасай отырып, «ҚазҰАЗУ-де Жоғары және жоғары оқу орнынан кейінгі білім беру бағдарламаларының тізілімінде (ЕСУВОда) бакалавриат деңгейінде - 59 БББ, магистратурада бойынша - 89 БББ, докторантура деңгейіне сәйкес - 21 БББ бар. Барлығы 169 білім беру бағдарламалары, оның ішінде 139 қолданыстағы, 10 инновациялық және 20 жаңа БББ іске асырылып жатқандығын негіздеді.
Қазір, жоғарғы оқу орындарында академиялық еркіндік болғандықтан, әрбір жоғарғы оқу орны өзінің білім беру бағдарламаларын әзірлейтіндігін және жоғары оқу орны компонентінің модулін әр түрлі тізілімде (ЕСУВО) тіркейтіндігін, бұл білім алушыларға басқа жоғарғы оқу орындарына ауыстыру кезінде пәндердің бір-біріне сәйкес келмеу мәселесін және республика бойынша ішкі академиялық ұтқырлықты іске асыруға қиындығын туғызатындығына назар аударды.
Сондықтан да, 29 қараша 2022 жылы Болон процесі және академиялық ұтқырлық орталығының жолдаған хаты негізінде Ауыл шаруашылығы және биоресурстар білім беру саласының кәсіби стандарттардың жаңартылуына байланысты білім беру бағдарламаларын оңтайландыру немесе жаңа БББ құрастыру жұмыстарын жетілдіргенде де ЖОО компонентінің модулдерін сәйкестедіру қажет. Ол үшін даярлау бағыттары бойынша құрылатын академиялық комитеттер тығыз ҚР БҒМ РОӘК «Ауыл шаруашылығы және биоресурстар», «Ветеринария» даярлау бағыттары бойынша Оқу-әдістемелік бірлестігіне кіретін жоғарғы оқу орындарымен БББ әзірлегенде тығыз байланыста болу керек, - деді сөзінің соңында А.Қайырбаева.
Тақырыпты ашық талқылау жұмысын жүргізу мақсатында Қазақ ұлттық аграрлық зерттеу университеті «Топырақтану және агрохимия» кафедрасының профессоры Балғабаев Алимбай Мәдибекұлы; «С.Сейфуллин атындағы ҚазАТУ, «Егіншілік және өсімдік шаруашылығы» кафедрасының меңгерушісі Турбекова Арысгуль Сапаралиевна; Жәңгір хан атындағы БҚАТУ, «Өсімдік өнімдерін өндіру технологиясы» жоғары мектебінің профессоры, ҚР ҰҒА корреспондент мүшесі Насиев Бейбит Насиевич; Қазақ ұлттық аграрлық зерттеу университеті, «Мал шаруашылығы өнімдерін өндіру технологиясы» кафедрасының профессоры Адылканова Шолпан Рахимбекқызы; С.Сейфуллин атындағы ҚазАТУ, «Мал шаруашылығы өнімдерін өндіру және өңдеу технологиясы» кафедрасының қауымдастырылған профессоры Бостанова Сауле Куанышпековна; Жәңгір хан атындағы БҚАТУ, "Мал шаруашылығы және биоресурстар" жоғарғы мектебінің жетекшісі Шукуров Марклен Жексенович; Қазақ ұлттық аграрлық зерттеу университеті, «Ара, құс және балық шаруашылығы» кафедрасының профессоры Альпейсов Шохан Ашенович; Қазақ ұлттық аграрлық зерттеу университеті, «Орман ресурстары, аңшылықтану және балық шаруашылығы» кафедрасының профессоры Абаева Құрманкүл Төлеутайқызы; С.Сейфуллин атындағы ҚазАТУ, «Орман ресурстары және орман шаруашылығы» кафедрасының меңгерушісі Боранбай Жұмағұл Таңатқанұлы; Жәңгір хан атындағы БҚАТУ, «Орман, жер және су ресурстарын басқару» жоғарғы мектебінің доцент м.а. Амангелдіқызы Зәмзәгүл; Қазақ ұлттық аграрлық зерттеу университеті, «Су ресурстары және мелиорация» кафедрасының меңгерушісі Жапаркулова Ермеккүл Дүкенқызы; Қазақ ұлттық аграрлық зерттеу университеті, «Аграрлық техника және механикалық инженерия» кафедрасының профессоры Жумагулов Жандос Боранбаевич; С.Сейфуллин атындағы ҚазАТУ, «Аграрлық техника және технология» кафедрасының меңгерушісі Каспаков Есеналы Жаксылыкович; Жәңгір хан атындағы БҚАТУ, «Техника және инженерлік қорғау» жоғары мектебінің доцент м.а. Сарсенов Амангельды Естаевич; Қазақ ұлттық аграрлық зерттеу университеті, «Биологиялық қауіпсіздік» кафедрасының профессоры Махашов Едил; С.Сейфуллин атындағы ҚазАТУ, «Ветеринариялық медицина» кафедрасының меңгерушісі Муханбеткалиев Ерсын Ергазыевич; Жәңгір хан атындағы БҚАТУ, «Ветеринария және биоқауіпсіздік» жоғары мектебінің жетекшісі, Мурзабаев Кенжебек Есмагамбетович; ОӘБ-нің хатшысы Кенжебекова Жұлдызай Жақабайқызы қатысып, сөз сөйледі.
Кеңес мүшелері күн тәртібінде жоспарланған сұрақтарды қарастырған соң, тиісті шешімдер қабылдады.
Қаз
Рус
En
