Ғылыми-зерттеу жұмыстары

Зерттеулер, нәтижелер
Ғылыми журнал
"Болашақ" стипендиясы
«Болашақ» стипендиясы мансаптық өсудің өзіндік кепілі болды ...

Университеттің ғылыми-зерттеу жұмыстары Нормативтік құжаттар Каталог
Университет ғалымдарының зерттеулері Қазақстанның ауыл шаруашылығының барлық  салаларында ғылымның дамуына үлестерін қосып келеді. Университеттің тарихында

ҚазҰАЗУ-нің ғалымдары еліміздің аграрлық секторының дамуы үшін көптеген зерттеулер жүргізді, атап айтқанда:

- ауыл шаруашылық дақылдарының бірнеше сұрыптарын мемелекеттік сынаққа өткізді;
- ауыл шаруашылық дақылдарының негізгі түрлерін өсіру бойынша  агротехнологиялар жасалып, жетілдірілді;
- ауыл шаруашылық өнімдерін өңдеу мен сақтаудың  технологиясы жасалды;
- азық-түлік пен жем-шөптің рецептурасы жасалды;
- ауыл шаруашылық малдар мен құстардың  түрлері анықталды;
- ауыл шаруашылық малдарды, құстарды және балықтарды баптау мен азықтандырудың технологиясы жасалды;
- вакциналардың, емдейтін препараттардың және диагностикалаудың  түрлері жасалды;
- дақыл жинайтын техникалардың, сонымен қатар жел, су, күн және биогаз қондырғыларының тиімді жүйелері мен компоненттері жасалды;
- орман шаруашылығын жүргізудің  ғылыми негізделген жүйелері мен емен түрлерінің биологиялық өртке қарсы төзімділігін жоғарылату бойынша ұсынымдар жасалды.
 
Агроөнеркәсіп кешенінің экономика саласы бойынша төменде аталған ұсынымдар  ұсынылды:
 - орта және ірі біріккен бірлестіктер мен ауылшаруашылық түрлендірулерді қалыптастыру;
- жер және су ресурстарын тиімді пайдаланудың механизмдері, жергілікті халықтың дәстүрін ескере отырып, ауыл шаруашылығының нарықтық әлеуметтік-экономикалық инфраструктурасын қалыптастырудың механизмдері, аграрлық экономиканы дамытуды реттеудің механизмдері;
- Қазақстан Республикасы экономикасының агарлық секторындағы тиімді нарықтық жүйені қалыптастырудың тұжырымнамасы (концепциясы) жасалды.

Жоғары ғылыми нәтижелерге жету үшін, сонымен қатар ауыл шаруашылық тауар өндірушілер мен машина жасау кәсіпорындарына, өңдеу мен тамақ өнеркәсібіне қызмет көрсету үшін университетте ғылыми-зерттеу инфраструктурасы құрылған, оның ішіне кіретіндер:
 ғылыми-зерттеу институттары;
- Агроинновация және экология ғылыми-зерттеу институты
- Су мәселелері мен жерді мелиорациялау ғылыми-зерттеу институты
- Орман ғылыми-инновациялық институты
- Агробизнес және консалтинг ғылыми-зерттеу институты
- Ветеринарлық медицина, фармация және санитария ғылыми - зерттеу институты
- Мал шаруашылығы және биоресурстар ғылыми – зерттеу институты
- Агроинженерия, АӨК энергиямен қамтамасыз ету және IT-технологиялар Халықаралық ғылыми-зерттеу институты;
 
Қазіргі уақытта ғылыми инфрақұрылымды одан әрі дамыту, ғылыми-зерттеу жұмыстарын үйлестіру және жетілдіру мақсатында университетте халықаралық инновациялық орталықтар мен зертханалар жұмыс істейді.
 - Агротехнологиялық хаб;
- Қазақстан-Жапон инновациялық орталығы;
- Су инновациялық орталығы;
- Тамақ технологиясы мен сапасы бойынша ғылыми-білім беру инновациялық орталығы;
- Тұрақты ауыл шаруашылығы орталығы;
- Қазақстан-Корей орталығы;
- Қазақстан-Беларусь инновациялық агроинженерлік орталығы;
- «Көгалдандыру және көкөніс өсіру» ғылыми орталығы;
- «Қарқынды бақ» қазақ-голланд орталығы;
- Халықаралық вакцинациялау инновациялық орталығы;
- «Агроуниверситет» оқу-тәжірибелік шаруашылығы;
- Инновациялық жылыжай;
- Ғылыми-білім беру орталығы, оның ішіне техникалық микробиология; азық-түлік өнімдерінің сапасы мен қауіпсіздік технологиясы; азық-түлік өнімдерінің физика-химиялық және реологиялық қасиеттері; топырақ пен қоршаған ортаны кешенді талдау зертханалары кіреді;

Тұрақты егін шаруашылығы орталығы.
Интеграция саласында университет шетелдік ғылыми-зерттеу институттарымен, Қазақстан Республикасының ауыл шаруашылығы мен білім және ғылым министрліктерінің ғылыми-зерттеу институттарымен бірігіп зерттеулер жүргізеді.

Шетелдік ғылыми-зерттеу институттарымен мынадай ғылыми жобалар жүзеге асырылуда:
 1. Шыхыцзы Университеті, СУАР ҚХР: 
 «Қытай, Қазақстан шекара аймақтарындағы кене және кенеден таралатын ауырулардың молекулалалық қасиеті мен DNK бойынша генетикалық кодын анықтау және базасын жасау»
 2. Ланджоу ғылыми-зерттеу ветеринарлық институты (ЛҒЗВИ), Ланджоу, Қытай: Жобаны іске асыру: «Жануарлардың негізгі трансшекаралық ауруларының алдын алу және бақылау үшін жаңа өнімдерді бірлесіп құру және қолдану»
3.  Seppic Француз компаниясы:
Жобаны жүзеге асырды: «Ірі қара малдың бруцеллезге қарсы жаңа векторлық вакцинаның, құрамында 20% адъювантты Montanide Gel01 (Seppic, France) бар малдың жынысы мен жасына байланысты вакцинаның қауіпсіздігі мен қорғалуын тексеру».
4. МЖӘ Нидерландтық компаниясы «Dutch Fruit Solutions of Kazakhstan» компаниясы.
Қазақ Ұлттық Аграрлық Зерттеу Университетінің оқу-эксперименттік шаруашылығында, Dutch Fruit Solutions Kazakhstan голландиялық компаниясымен ынтымақтастық туралы меморандум аясында, тұрақты даму саласындағы заманауи инновацияларды көрсету үшін жеміс-жидек дақылдарының демонстрациялық учаскесі салынды. жеміс өсіруді дамыту, жаңа сорттар мен тамыр сабағын, өндірістік жүйелер мен жаңа технологияларды қолдану. Нидерланды Корольдігінің Қазақстан Республикасындағы Елшісі Андре Карстенс мырза демонстрация алаңын төсеуге қатысты. Бақшаға әлемге әйгілі голландиялық Verbeek, Fleuren, De Kemp Av, Fall Creek, Geerlofs питомниктерінің Қазақстанға жаңадан келген алма, алмұрт, қара өрік, тәтті шие, құлпынай, қызыл қарақат, көкжидек және спаржа дақылдарының 40-тан астам перспективалы көшеттері отырғызылған.
5. Корея Республикасының ауылшаруашылық технологияларын коммерцияландыру және енгізу қоры.
2021 жылы Оңтүстік Кореяның инновациялық технологиясы негізінде 10000 м2 (1 га) инновациялық технология негізінде «ақылды» жылыжай салу үшін 1,5 миллион АҚШ доллары көлеміндегі қаржы ресурстарын инвестициялау жобасы Қазақ ұлттық аграрлық зерттеу университетінде мақұлданды. Жылыжайлардың жаңа озық технологияларын көрсету үшін «ақылды» жылыжай салу жас кадрларды (бакалаврлар, магистранттар мен докторанттар) оқыту және жылыжай мамандарын даярлау және жылыжай көкөністерін өсіру бойынша білімді беру үшін үлкен маңызға ие.

ҚазҰАЗУ біріккен зерттеулерді ғылыми-зерттеу институттарымен табысты жүргізеді:
  1. Қазақ мал шаруашылығы және жем-шөп өндірісі ҒЗИ
  2. Қазақ ветеринарлық ҒЗИ
  3. Ө. Оспанов атындағы Қазақ топырақтану және агрохимия ҒЗИ
  4. Қазақ орман шаруашылығы ҒЗИ
  5. Қазақ егіншілік және өсімдік шаруашылығы ҒЗИ
  6. Қазақ бау-бақша және жүзім шаруашылығы ҒЗИ
  7. Қазақ балық шаруашылығы ҒЗИ

Сонымен қатар, еліміздің ғылыми-зерттеу институттарымен де бірлесе жұмыстар атқарылуда:
 - Қазақ мал шаруашылығы және жем-шөп дайындау ҒЗИ- мен «Селекциялық процесінде басқару жүйесін жасау және оның етті мал шаруашылығында қарқынды дамыту»;
- «Селекциялық процесінде басқару жүйесін жасау және оның қой және ешкі шаруашылығын қарқынды дамыту»;
- «Етті мал шаруашылығын қарқынды дамыту технологияларын жасау»;
- «Сүтті мал шаруашылығын қарқынды дамыту технологияларын жасау»;
- «Селекциялық процесінде басқару жүйесін жасау және сүтті мал шаруашылығында қарқынды дамыту»;
 
 2.Қазақ ветеринариялық ҒЗИ-мен:
 - «Аса қауіпті, зооантропаназды және эмерджентті инфекцияларға (аусыл ауруы, құтыру, Шмалленберг аурыу, бютанг, сібір жарасы) мониторинг жүргізу үшін эпизоотикалық көрсеткіштерді жасау және ҚР аумағын эпизотиялық жағдайының ушығу дәрежесіне қарай аудандастыру», сомасы 20,0 млн. теңге.
3. У. Успанов атындағы Қазақ топырақтану және агрохимия ҒЗИ-мен:
- Дақыл өнімділігін және топырақ құнарлылығын арттыру, тыңайтқыштар мен биопрепараттарды кешенді пайдалану.
4. Қазақ орман шаруашылығы ҒЗИ- мен:
- «Орман ресурстары мен орманның экожүйелік қызметін кешенді экономикалық бағалау (Ақмола облысы бойынша)».
 5. Қазақ егін шаруашылығы мен өсімдік шаруашылығы ҒЗИ- мен:
-  «Қазақстанның оңтүстік- шығысындағы тозған суармалы жерлерді жақсарту үшін агробиологиялық және огромелиорациялық әдістері».
6. Қазақ жеміс және жүзім шаруашылығы ҒЗИ- мен:
- «Еуропалық стандартқа сай тез пісетін, стресске қарсы тұра алатын көшеттердің және Книп-Баум әдісін, Tray и Plug технологиясын, тамшылап суаруды пайдалану арқылы алынған қарқынды жеміс бақтарының өнімділігін арттыру».
7. Қазақ балық шаруашылығы ҒЗИ- мен:
- «Балық шаруашылығы негізінде өсірілген құнды балық түрлерін ихтиопатологиялық және микробиологиялық бағалау»
 







 
Соңғы жаңалықтар Танымал Оқылған Жаңалықтар мұрағаты
Мекен-жайымыз:
Казахстан, 050010 г. Алматы, ул. Абая, 8, 3 корпус, каб.204 ПН-ПТ с 9 00 до 18 00.